Thursday, June 28, 2007

Bas ek Pal...

yaad hai tumko ik baar...
cycle par bin batti chaalan hua tha...
humne kaise bhuuke pyaase becharon si acting ki thi...
hawaldaar ne ulta ek atthanni de kar humein lauta diya tha !!!
ek chavanni meri hai - woh lauta do.

yaad hai tumko ik baar...
bus mein khade khade, driver ne achaanak brake lagaa diya tha...
hum duur jaa gire thae...
kuch kharonche bhi aa gayi thi...
ek zakhm abhi bhi haraa hai - woh sahlaa do.

yaad hai tumko ik baar...
kis tarah daud-bhaag kar, wahi bus pakdi thi, jismein tum thi...
haanfti saans abhi bhi seene mein uljhi hui hai - woh suljha do.

yaad hai tumko ik baar...
"buss kuch der aur" ke laalach mein...
tumhare ghar ke paas waale uss restaurant mein le gaya tha...
kitni sugary, syrupy, ghatiya si drinking chocolate thi uski...
tumhari nazdeeki ki mithaas bahut der tak zubaan pe lipti rahi...
aaj phir mann kadwaa hai kisi pal ki yaad se - woh choco drink pila do.

3 comments:

Unknown said...

Kya baat hai...Subhan Allah.

I could not have thought of a better Birthday gift than you starting a blog. Excellent stuff. Hungry for more.
In anticipation,
Vicky.

surs said...
This comment has been removed by the author.
Jainz said...

Surbh...you Rock !!!